朋友們非常驚嘆我如何於百忙中, 仍可以偷閒吃喝玩樂. 只要規劃好自己的工作及工餘的時間表, 一切可於掌握之中 (建議常掛”忙”於口邊的, 少上一些facebook, 少一些電腦遊戲, 可能時間已經非常”見洗”). 經驗所得, 欠缺休息時間及personal life, 大大應響工作質數及表現.
近日迷上挑戰焗爐, 而這個玩樂時間, 便被安排在大清早或收工後的午夜時段了. “重金”投資了電子磅後, 已做了muffin, 木槺布甸, souffle… 上回提到的Pavlova亦成功征服了, 近日的新作, 是Macaron – 杏仁蛋白餅!
本人對Macaron的味道真的不敢恭維, 家人還嫌它太甜又黏牙. 但它是徒弟仔的最愛, 加上它的價位甚高, 不甘這單以糖及蛋白做的小甜點竟賣$20一件, 就誘導我要試一試!
研究多個中外食譜及心得後便正式”開壇”, 怎料, 真的有點難.
失敗就如網友們的必經之路一樣, 表面爆烈起窿, 欠缺裙邊等等, 我全都部經歷過:
玩煮飯仔, 我向來也不苟小節(這亦是往往失敗的原因 !==). 食譜中的糖及糖粉, 我通通用了普通的沙糖(糖粉貴, 買一大包回來只用一點點太浪費了…)
三盤之後, 再進一步找資料, 可以確定方法無錯, 原來問題, 是糖!!!
食譜中的糖粉原來是指是糖霜, 錯用糖粉表面欠平滑及起窿, Bingo!!!
終於, 第四盤入爐時, 見到光滑的表面没有爆開, 三四分鐘後, 裙邊亦露出了, 那一刻的心情真是興奮莫名, 即使是三更時份, 也按不着發短訊給徒弟仔報喜!
興奮, 是因為經過失敗之後的成功; 鍾意, 是因為難.
没有多次的失敗, 那來這樣的快感!
學員們時常跟我抱怨化妝set頭難, 我的答案永遠是:
“難就好囉, 人人都做得到有什麼特別!”
學員們, 加油!
下次做什麼好呢?…
Related posts:
寫這篇時, 才發現自己於作出大小決定時,...
I will easily have s...
愛做甜點純綷因為難，具挑戰性。 製成品...
下次挑戰蜂蜜蛋糕啦!
我剛買了蜂蜜香油, 好主意!
勁好味!! 食到停唔到口!!
一邊細嘗,一邊感受溫暖既感覺!! 多晒!!
客氣, 聽日帶吉樽來換一樽滿的!
聽日又要跑多兩個圈+來回34樓兩次就真^^
應該在不久的將來便會有一間私房 Just Gracy Dessert House 面世… ^^
唔啦, 玩吓姐!唔係認真既!
勁勁勁！周身刀
吃喝玩樂的, 唔叫”周身刀”!
我想食muffins
eee, 落order添喎! 無問題, 想食咩味? 下星期幾過來pick up?
仲有, 你既蜜糖太貴重喇, 即管落多幾個柯打啦, 無問題, 反正我enjoy製作過程, 有人不介意幫手吃正合我心意!
真係多謝哂, 勁岩心水!
哎呀, 真係好小小意思, 唔係咩貴重野. 你啱用就好啦
我講下咋! 唔使特登整啦. 若果某一日你整開muffins先留一個俾我啦, 除左榴槤味外,咩味都ok! 多謝先呵呵呵~
勁到爆!!!
(p.s. 原來, comment 太短, 係唔比留架?)
我都唔知喎, 多謝通知!
賣相好靚,幾時有得試食?
好多糖架, 唔係幾岩你兩位血糖偏高既後生仔女食喎!
聽日買包入得焗爐既低糖整比你地食啦!
可唔可以比食譜我呀, 想學呢^_^ thanks
當然可以, 食譜我是跟這位blogger: http://hk.myblog.yahoo.com/mc_kitchen/article?mid=433&fid=18
亦可以參考二些心得:
http://blog.yam.com/homeeconomics/article/12709186
希望你成功吧!