因工作關係, 最近多接觸花邊, 喱士, 刺繡等小東西, 便越來越愛上頭紗.
質量不佳的頭紗不但外觀不好看, 過重或過軟的頭紗會於反下時, 緊貼着面額, 假睫毛及唇膏都會沾於頭紗上, 留海被壓着, 親友見到步入教堂的, 並非漂亮的新娘, 而是像笠了絲襪打劫的賊人.
還有佩帶頭紗的方法, 位置, 用以配合的髮型, 行禮時間的長短, 環境, 都與頭紗有密切的關係. 任何一方面未能配合, 都會將純潔的頭紗毀於一旦.
非常滿意這批美極的頭紗相片, 今次親自執導(即指手劃腳亂點一通), 亦多得攝影師對我的包容及忍耐.
難得找上了具質數的廠商, 對着千千萬萬款的紗款, 喱士, 既花多眼亂, 又不禁陶醉於當中. 每找到合適客人的款式, 就有如相逢限晚的喜悅.
女為悅己者容, 我則是為悅客者容, 有機會接觸着美麗的東西為本身工作是一件十分幸福的事, 我深知道, 身邊的朋友都羡慕至極. 所以, 既積極又投入!
有興趣得到訂造頭紗的更多資料, 請按此登入參觀.
高貴,典雅的頭紗,加上無與倫比的攝影技巧.
不止”簡單就是美”,原來”有心”會更美!!
讚好!!
只要”有心”做, 凡事可成真!
永不言”不”!
我都讚好呀!
個Tailor整得咁~~靚, 梗係讚好啦!
咁又唔好咁講呀Gracy~~~~哈哈哈
都要指導果個指得好,加上攝影師既鬼斧神工先有咁既效果!!!
相片中的頭紗很美哦!! 期待中…:D
密鑼緊鼓製作中, 請耐心等侯
aiya, 點解唔放我個頭紗, 都好靚架噃?! =P
你個頭紗都好靚, 但要放緊係放d我自家設計架嘛!
『新娘… 像笠了絲襪打劫的賊人』
哈哈哈！我所見過的新娘都是靚的！
但係俾你講一講，以後見到個笠了絲襪準備打劫的．．．
恐怕忍唔到笑喎！Jessie你要負責呀！:p
Oops,對唔住，Gracy, 一時手快打錯咗妳個名添。:p
唔要緊, 講吓笑姐. 不過頭紗真係可以將人變得靚到上天, 也可以將你打入地府.
d 頭紗真係好靚呀! 未襯髮型同設計已經靚成咁, 襯埋既話, 新娘子咪變成仙女下凡 ?
希望每位新娘都會變成仙女啦.