大家可知, 網頁及blog裏的每一隻字, 都是我的心血. 為的, 是希望認識我的人, 可以知道我的近況, 公司的新動向; 而素未謀面的, 可從而了解我們的作品, 技術, 歷史及風格.
每月密密寫newsletter, 交稿, update網誌, 其實非常吃力. 疲累(或懶)時, 耳邊就會像有魔鬼對我說: 不如放棄吧, 那有這麼多人看你寫的!
但前幾天試妝, 強心針深深的打進我心.
客人說: “你個網好多野睇, 我花左成個weekend睇哂你d野”
我不太相信的想: “客套既說話唔洗講喇, 我幾時都會全力以赴既”
無意中談到我的化妝士途, 我說: “我以前做護士架嘛, 後來先轉造化妝師…”
客人答: “係呀係呀, 見你d訪問都有提過…”
我想: “那篇訪問已是兩三年前, 真係有睇喎” 當然暗地裏開心起來.
客人揭到雜誌某頁的晚裝示範, 問: “你好似都有條類似既頸鏈喎”
我按不住叫起來: “嘩, 唔係掛! 你真係睇哂我個網頁喎, 咁你都知!!!”
那時心裏不禁一陣感動, 含辛茹苦的每一隻字, 真是有讀者的!
於是, 立即埋首, 將10月份以後幾個月的稿都完成了. 接下來數月, 便可在旺季全力衝刺!
Chingmy, 全靠你”鞭一鞭”, 加快了交稿速度. 多謝你既正能量呀!
