於外太空遊記已提及, 基於今次要身兼判頭, 新辦工室落實的工程至今只有柜, 接下來便要解決油柒, 電工及其他小工程.
好朋友堅決要推翻我”無個裝修係好人”的說法, 介紹她沿用多年的師傅.
既然餘下的工程只是小部分, 索性交給相熟的師傅也是一件好事, 於是與師傅見面後, 也没有討價還價, 師傅提出一個約數後, 便交了鎖匙給該師傅了.
跟着請師傅補傳一份報價單給我, 可是, 報價單只有一個大數, 接下來便有以下妙問妙答8-O :
我: “師傅, 我收到報價單了, 但係無breakdown架喎, 可唔可以麻煩你比埋個breakdown我?”
師傅: “…吓…咩呀, 無架喎…”
我: “我想知道d數係點計, 你可唔可以比個breakdown我呀?”
師傅: “無架喎, 如你你要… 我都可以比你既, 不過…但係…你預會貴d囉…”
我: “吓? 點解?”:-?
師傅: “唉…唔係xxx叫到, 我都無時間同你做…你又要breakdown…”
“……”
“你… 咁呀, 你預多兩千幾蚊啦…”
其實本來我已都對裝修先生們並無任何期望, 但仍然是另一次的失望. 我敢說每一分一亳也是自己的血汗錢, 要花, 一定要花得明明白白.
時間緊可以選擇不接;
嫌工程小可以報價高一點;
但報價時最基本, 將小項目清楚列明也不肯的, 大家認為理由是什麼呢?!
如果有準新娘向我們查詢價目, 告訴我她的婚禮很簡單, 她的化妝及髮型也是清簡為主的, 甚至給她化一個派對妝也可, 我是否應該答應她呢?
還是, 告訴她這樣會貴一點?
是不能也好, 不為也好, 清楚交待便可.
運作一間公司多年, 我不是一個善於打理生意的人, 但做生意上的道理, 也懂一點點.
這次得不到報價的breakdown, 不過, 是又一次的communication breakdwon.
不如, 明年的進修目標改為電工牌照及油柒, 那便不用再與裝修師傅先生們作戰了!:roll:
